Bakıda itkin düşən şəxs özünü dənizə atıbmış

Bakıda itkin düşmüş kimi axtarışda olan şəxsin intihar etdiyi məlum olub. 

Avtosfer.az-ın “Qafqazinfo”ya istinadla məlumatına görə, fevralın 21-dən axtarışı aparılan paytaxt sakini Oleq Baranov həmin gün saat 09 radələrində özünü dənizə atıbmış.

Aparılan araşdırmalarla O.Baranovun Səbail rayonu Neftçilər prospekti yaxınlığında Dənizkənarı Milli Parkın ərazisində özünü suya atması müəyyən edilib.

Onun meyitinin tapılması istiqamətində tədbirlər görülür.

Faktla bağlı araşdırmalar davam etdirilir.