Bakıda kişi bank kartına görə arvadını döydü

Bakıda arvadını döyən kişi həbs olunub.

Avtosfer.az Lent.az-a istinadla xəbər verir ki, hadisə Nərimanov rayonu ərazisində baş verib.

31 yaşlı Məhəmməd həyat yoldaşı Pərvinin gizli bank kartından istifadə etdiyini və həmin karta pul göndərildiyini öyrənib. Bu səbəbdən aralarında mübahisə yaranıb. Mübahisə zamanı Məhəmməd yataq otağında Pərvini döyərək ona müxtəlif xəsarətlər yetirib. Onun mətbəxə keçməsindən istifadə edən Pərvin isə yaxınlıqdakı marketə qaçaraq, telefonla Daxili İşlər Nazirliyinin (DİN) "102" qaynar xəttinə zəng edib. Nəticədə Məhəmməd polis əməkdaşları tərəfindən saxlanılıb.

Onun barəsində Cinayət Məcəlləsinin 128-ci maddəsi (qəsdən sağlamlığa yüngül zərər vurma) ilə cinayət işi açılıb.

Nərimanov Rayon Məhkəməsində hakim Kamal Babayevin sədrliyi ilə keçirilən prosesdə Məhəmməd cəzasını ümumi rejimli həbsxanada çəkməklə, 3 ay müddətinə azadlıqdan məhrum olunub.