Bakıda kran obyektin üzərinə aşdı - VİDEO - YENİLƏNİB

"Bu gün paytaxtın Yasamal rayonunda kranın obyektin üzərinə aşması nəticəsində xəsarət alan olmayıb".

Bu məlumat cavab olaraq Yasamal Rayon İcra Hakimiyyətindən verilib.

"Hadisə Hüseyn Cavid prospektində "Space" televiziyası ilə üzbəüz ərazidə Bakı Abadlıq Xidmətinin binalarda gördüyü abadlıq işləri zamanı baş verib. İş prosesində kran hansısa nasazlıq səbəbindən aşıb. Hadisə nəticəsində xəsarət alan olmayıb.

Bir minik avtomobilinə, üstünə boya tökülməklə, ziyan dəyib və kranın dəydiyi binanın yan hissəsi sürtünmədən zədələnib və ora da boya tökülüb. Başqa ciddi bir hal baş verməyib. Dəymiş ziyan işi görən qurum tərəfindən ödəniləcək", - deyə məlumatda bildirilir.

(oxu.az)

***

Bakının Hüseyn Cavid prospekti 47 K ünvanında təhlükəli vəziyyət yaranıb.

Avtosfer.az xəbər verir ki, bu barədə baku.ws-in "qaynar xətti"nə göndərilən məlumata görə, həmin ərazidə təmir-tikinti işləri aparan qaldırıcı kran obyektin üzərinə doğru çevrilib.

Həmin vəziyyətdə qalan kran ərtafdakı vətəndaşlara təhlükəli vəziyyət yaradıb.

Görüntüləri təqdim edirik: