Bakıda makler ev yiyəsini görün necə aldatdı – İnanılmaz olay

Bakıda maraqlı dələduzluq faktı ortaya çıxıb. Avtosfer.az “Bakupost”a istinadən xəbər verir ki, usta olduğunu deyən Famil adlı şəxs sosial media hesabında rastlaşdığı qeyri-adi hadisə barədə danışıb. Onun sözlərinə görə, bir neçə il əvvəl qaz təchizatı ilə bağlı problem yaşayan bir şəxs ona müraciət edib. Usta qeyd edib ki, evdə baxış keçirən zaman qaz xəttinin ümumiyyətlə mövcud olmadığını müəyyən edib. Araşdırma zamanı məlum olub ki, evi satan makler alıcını aldadıb. Belə ki, o, evdə qaz sistemi olduğu görüntüsünü yaratmaq üçün zirzəmidə 3 qaz balonu yerləşdirib və bu yolla vəziyyəti gizlədib. Usta bildirib ki, evi alan şəxs təxminən 3 ay bu haldan xəbərsiz qalıb.