Bakıda marketdə "Araq haramdır" deyib içkilərii sındıran şəxs saxlanıldı - VİDEO

İyunun 15-də Yasamal rayonu ərasizindəki marketə gəlmiş naməlum şəxs orada olan spirtli içkiləri qəsdən sındıraraq ticarət obyektinə 9 min manata yaxın ziyan vurub.

DİN-in Mətbuat Xidmətindən Avtosfer.az-a bildirilib ki, polis əməkdaşları tərəfindən keçirilən əməliyyat tədbirləri nəticəsində başqasının əmlakını qəsdən məhv etməkdə şübhəli bilinən İkram Hüseynov saxlanılıb.

Faktla bağlı Yasamal Rayon Polis İdarəsində Cinayət Məcəlləsinin 186.1-ci (əmlakı qəsdən məhv etmə və ya zədələmə) maddəsi ilə cinayət işi başlanılıb, istintaq aparılır.

Qeyd edək ki, sosial şəbəkələrdə mağazalardan birinin alkoqollu içkilər bölməsində şüşələrin sındırılması ilə bağlı görüntülər yayılıb.

Videonu tiktoka yükləyən şəxsin iddiasına görə, şüşələri qıran şəxs spirtli içkilərin haram olduğunu söyləyərək bu hərəkəti edib.