Bakıda "parkovşik"in oğurluğu kameraya düşdü - VİDEO

Bakı polisi oğurluq edən "parkovşiki" həbs edib.

Avtosfer.az xəbər verir ki, Binəqədi rayonu ərazisində yerləşən mağazalardan birinin qarşısında oğurluq hadisəsi qeydə alınıb.

Belə ki, 60 yaşlı qadın içərisində 1270 manat, 940 dollar, 7300 rubl və sənəd olan pul kisəsinin naməlum şəxs tərəfindən oğurlanması barədə polisə müraciət edib.

Binəqədi RPİ 5-ci Polis Bölməsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən 64 yaşlı Məmmədxan Nəcəfov müəyyən edilərək saxlanılıb.

Faktla bağlı Binəqədi RPİ 5-ci PB-də araşdırmalar davam etdirilir.

Hadisə anının görüntülərini təqdim edirik:

Mənbə: Lent.az