Bakıda piyada ayrıcı maneənin üzərindən maşının qabağına tullandı - ANBAAN VİDEO

Paytaxtda piyadaların təhlükəli davranışı avtomobilin videoregistratoruna düşüb.

Avtosfer.az-ın məlumatına görə, hadisə fevralın 18-də saat 17:19 radələrində Kənar Dairəvi küçəsinin köməkçi yolunda qeydə alınıb.

Görüntülərdən aydın olur ki, gənclər ayrıcı maneənin üzərinə çıxaraq yolu müəyyən edilməmiş hissədən keçməyə cəhd göstərib.

Hətta onlardan biri yaxınlaşmaqda olan avtomobili görə-görə yola atılıb. Nəticədə gənc oğlan özüylə yanaşı, sürücüyə də ciddi təhlükə yaradıb. Xoşbəxtlikdən qəza baş verməyib.

Qeyd edək ki, piyadaların yolu müəyyən olunmamış yerdən, üstəlik bu cür keçməsi həm özlərinin, həm də digər hərəkət iştirakçılarının qəzaya düşmə riskini artırır.

Nərmin