Bakıda qadın piyadanı vuran sürücünü sükan arxasında döydülər - ANBAAN VİDEO

Bakıda baş vermiş yol-nəqliyyat hadisəsi davayla nəticələnib.

Avtosfer.az-ın məlumatına görə, hadisə sentyabrın 4-də günorta saatlarında qeydə alınıb. Kadrdan da göründüyü kimi, yolayrıcından sola dönən “Toyota Aqua” markalı avtomobilin sürücü yolu keçən piyadalardan birini vurub. Nəticədə maşına çırpılan gənc qadın yerə yıxılıb. Bu vaxt vurulan piyadanın yolu keçən kişi geri qayıdaraq avtomobilin sükanına daxil olub və sürücünü döyməyə başlayıb. Ardınca yaxınlıqda olan vətəndaşlar dərhal müdaxilə edərək piyadanı kənarlaşdırıb, bir qismi isə vurulan qadına yardım edib. Daha sonra döyülən sürücü zərərçəkmiş piyadaya yaxınlaşıb və onlar arasında yenidən mübahisə yaranıb.

Qeyd edək ki, ərazidə piyada keçidi nişanı olmasa da yolayrıcından sağa və ya sola dönən sürücü yolun hərəkət hissəsindən keçən piyadaya yol verməlidir. 

Nərmin