Bakıda sərnişin dolu avtobus anidən tüstüləndi - Rəsmi AÇIQLAMA - VİDEO

Paytaxtın Qaradağ rayonu Lökbatan qəsəbəsində sərnişin daşıyan avtobus tüstülənib.
Avtosfer.az-ın məlumatına görə, hadisə iyunun 3-də saat 17:30 radələrində qeydə alınıb. Belə ki, “BakuBus” MMC-yə məxsus 99-JU-835 dövlət nömrə nişanlı 125 saylı müntəzəm marşrut xətti üzrə hərəkət edən avtobus anidən alışmağa başlayıb. Bu zaman sürücü nəqliyyat vasitəsini saxlayıb və sərnişinləri düşürüb. 
Hadisəylə əlaqədar “BakuBus” MMC-nin İctimaiyyətlə əlaqələr şöbəsinin müdiri Əsmər Əliyeva Avtosfer.az-ın sorğusunu cavablayıb. O bildirib ki, avtobusun yaranmış texniki nasazlıq səbəbindən tüstülənmə baş verib. Nasaz nəqliyyat vasitəsi qaraja aparılıb və sərnişinlər digər nəqliyyat vasitəsinə yönləndirilib. 

Nərmin