Bakıda su borusu partladı; Piyadalara və avtomobillərə çətinlik yaratdı - VİDEO

Bakının Suraxanı rayonu, Qaraçuxur qəsəbəsi, Vüqar Quliyev küçəsində su borusu partlayıb.

Avtosfer.az xəbər verir ki, bu barədə “Baku.ws” paylaşım edib.

Ərazidə yaşayan sakinlər bildirib ki, hadisə nəticəsində içməli su yola axır:

“Təmiz suyun yola axıb israf olması bir dərd, yolda yaranmış süni gölməçə başqa dərd... Borudan axan su həm piyadaların, həm də avtomobillərin hərəkətinə çətinlik yaradır. Çox istərdik ki, tez zamanda boru təmir edilsin, problem aradan qaldırılsın”.

Məsələ ilə bağlı İri Şəhərlərin Birləşmiş Su Təchizatı Xidmətinə sorğu göndərdik. Qurumdan Avtosfer.az-ın sorğusuna cavab olaraq bildirilib ki, sözügedən problemlə bağlı tədbir görülüb:

“Su kanal idarəsinin qəza xidməti vəziyyətdən xəbərdardır, qəzanın aradan qaldırılması istiqamətində işlər görülərək qəza aradan qaldırılıb”.

Sözügedən görüntüləri təqdim edirik: