Bakıda su borusu partladı, yollardan sel keçir - RƏSMİ AÇIQLAMA - VİDEOLAR (YENİLƏNİB)

Badamdar qəsəbəsi, Nurəddin Paşayev küşəsində paylayıcı su borusunda qəza baş verib.

Avtosfer.az “Qafqazinfo”ya istinadən xəbər verir ki, bu barədə görüntülər sosial şəbəkədə yayılıb.

Qəza nəticəsində su yolun hərəkət hissəsinə və ətrafa axıb.

Məsələ ilə bağlı İri Şəhərlərin Birləşmiş Su Təchizatı Xidmətindən soruğumuza cavab olaraq bildirildi ki, bu səbəbdən suyun həmin əraziyə verilişində müvəqqəti fasilə yaranıb.  

“Xidmətin əməkdaşları qəzanın aradan qaldırılması işlərini görürlər. Qısa zaman ərzində suyun əvvəlki rejimlə verilməsi bərpa ediləcək”, - məlumatda qeyd olunub.

**

Səbail rayonu, Badamdar qəsəbəsində su borusu partlayıb.

Bu barədə Avtosfer.az-a həmin ərazidə yaşayan sakinlər məlumat veriblər.

Belə ki, partlayan borudan axan su ərazidən istifadə edən piyada və avtomobillərin hərəkətinə çətinliklər yaradır. 

Avtosfer.az həmin görüntüləri təqdim edir: