Bakıda Su İdman Sarayının qarşısında qəza: Ölən var

Bakıda 56 yaşlı kişini maşın vurub öldürüb.

Avtosfer.az oxu.az-a istinadən xəbər verir ki, hadisə paytaxtın Səbail rayonu, Əhəd Yaqubov küçəsi 15 ünvanında yerləşən Su İdman Sarayının qarşısında baş verib.

Ağsu rayon sakini, 1996-cı il təvəllüdlü Tural Səlimxan oğlu Məmmədov idarə etdiyi "Hyundai" markalı avtomobillə hərəkətdə olarkən piyada, 1969-cu il təvəllüdlü Rəhim Bahadur oğlu Zeynalovu vurub.

Piyada aldığı xəsarətlərdən hadisə yerində ölüb.

Faktla bağlı cinayət işi başlanıb.