Bakıda sürücünün döyülməsi ilə bağlı - DİN-dən AÇIQLAMA

Bu il yanvarın 8-də Abşeron rayon Hökməli qəsəbəsi Yeni yaşayış massivində yaşayan “Atico” MMC-nin sürücüsü Abasov Şahin Vidadi oğlu gecə saatlarında evinə basqın edən şəxslər tərəfindən ölümcül döyülüb.

Avtosfer.az-ın məlumatına görə, Ş.Abasov Redaktor.az-a açıqlamasında bildirib ki, onun hadisə zamanı burnu sındırılıb. O, burnundan bir dəfə ağır əməliyyat keçirsə də, problem tam olaraq həll edilməyib və həkimlər ikinci dəfə onu əməliyyat edəcəklər. Ş.Abasov onu döyən şəxsin cəzalandırılması üçün Daxili İşlər Nazirliyinə müraciət etmişdi. 

DİN-in Mətbuat xidmətinin əməkdaşı polis leytenantı Elbrus İbrahimov bildirib ki, hadisəni törətməkdə şübhəli bilinən S.Eyvazov polis əməkdaşları tərəfindən müəyyən olunaraq saxlanılıb.

Araşdırma aparılır.