Bakıda təkər təmiri sexi yandı - FOTOLAR

Bakının Xətai rayonunda sex yanıb.

Avtosfer.az-ın məlumatına görə, yanğın Ramiz Quliyev küçəsindəki təkər təmiri sexlərindən birində başlayıb.

Əraziyə FHN-nin Dövlət Yanğından Mühafizə xidmətinin əməkdaşları cəlb olunub.

Qeyd edək ki, hadisə səbəbilə sözügedən istiqamətdə sıxlıq müşahidə edilir.

***

Fövqəladə Hallar Nazirliyi baş verən yanğınla bağlı məlumat yayıb.

FHN-dən bildirilib ki, Xətai rayonu, Ramiz Qəmbərov küçəsində avtomobil təmiri sexinin ərazisində təkər tullantıları yığılmış yerdə yanğın baş verməsi barədə məlumat daxil olub və dərhal Nazirliyin Dövlət Yanğından Mühafizə Xidmətinin qüvvələri çağırış üzrə cəlb olunub.

Əməliyyat şəraitinə uyğun olaraq həyata keçirilmiş zəruri və təxirəsalınmaz tədbirlər sayəsində yanğın genişlənməsinə, o cümlədən yaxınlıqdakı tikililərə keçməsinə imkan verilmədən qısa müddətdə söndürülüb. 

Yaxınlıqdakı tikililər yanğından mühafizə olunub.