Bakıda vəzifəli şəxs QƏTLƏ YETİRİLDİ

Hava Nəqliyyatında Baş Gömrük İdarəsinin əməkdaşı qətlə yetirilib.

Avtosfer.az Bakupost.az-a istinadən xəbər verir ki, həmin şəxsin Bakının Suraxanı rayon sakini Ayxan Mustafayev olduğu bildirilir.

Hadisə Suraxanıda, Ayxan Mustafayevə məxsus kiçik sahibkarlıq obyektinin qarşısında baş verib. O, aldığı bıçaq zərbələrindən həyatını itirib.

Onu qətlə yetirən şəxsin 17 yaşlı yeniyetmə olduğu bildirilir. Hadisənin təfərrüatı ilə bağlı məlumat yoxdur.

Qeyd edək ki, Ayxan Mustafayev daha əvvəl Xaçmaz Gömrük İdarəsinin Yalama gömrük postunda işləyib.