Bakının mərkəzində güclü partlayış olub, xəsarət alanlar var -YENİLƏNİB - FOTO - VİDEO

TTTYX-dən Avtosfer.az-a verilən ilkin məlumata görə, indiyə qədər 6 yaralı 1 Saylı Şəhər Xəstəxanasına, 25 yaralı isə Yanıq mərkəzinə yerləşdirilib.

***

04.08

Partlayış nəticəsində ətrafdakı nəqliyyat vasitələrinə də ziyan dəyib. Avtosfer.az xəbər verir ki, partlayış qaz sızmasından baş verib. Hadisə nəticəsində klubun üstündə yerləşən mənzillər də zərər görüb. Partlayış baş vermiş əraziyə FHN-nin xüsusi təlim görmüş itləri cəlb edilib. Dağıntılar arasında qalanların olduğu ehtimal edilir.

***

03.39

Bakının Səbail rayonunda partlayış baş verib. Avtosfer.az xəbər verir ki, hadisə "Torqovi" kimi tanınan ərazidə yerləşən gecə klubunda qeydə alınıb. Tərlan Əliyarbəyov küçəsində zirzəmidə yerləşən Korona klubda klubda qəfil partlayış baş verib. Hadisə yerinə FHN-nin əməkdaşları və polis əməkdaşları cəlb edilib. Xəsarət alan şəxslər təcili tibbi yardım maşınları vasitəsilə xəstəxanaya aparılır.