Bakının mərkəzində küçə itləri vahimə yaratdı - VİDEO

Bakının Nəsimi rayonu ərazisində sahibsiz itlər sakinlərin narahatlığına səbəb olub. Avtosfer.az-ın məlumatına görə, “Baku.ws”in "qaynar xətti"nə müraciət edən sakinlər bildirir ki, Azadlıq prospekti ilə Kaveroçkin küçəsinin kəsişməsində sürü şəklində hərəkət edən itlər vahimə yaradır. Vətəndaşların sözlərinə görə, ərazidə 10-dan çox küçə iti dolaşır və bu vəziyyət xüsusilə səhər saatlarında piyadalar üçün narahatlıq yaradır. Sakinlər bildirirlər ki, sahibsiz heyvanların sayının çoxluğu ərazidən keçən vətəndaşlarda narahatlıq və təhlükəsizliklə bağlı narahatlıq yaradır.