"BakuBus" sürücüsündən təhlükəli hərəkətlər: Bir gözü yolda, bir gözü telefonda - VİDEO

Bakıda H1 ekspres xətti üzrə avtobusun sürücüsü sükan arxasında smartfondan istifadə etməklə sərnişinlərin həyatını təhlükəyə atıb.

Avtosfer.az xəbər verir ki, bununla bağlı sərnişinlər şikayət ünvanlayıblar.

Qeyd olunub ki, "BakuBus" MMC-yə məxsus olan və aeroporta sərnişin daşıyan "Airport express" xəttinin H1 nömrəli avtobusunda sürücü yolboyu "WhatsApp"da yazışıb.

"Bu isə sərnişinlərin həyatını riskə atmaq deməkdir", - deyə şikayətdə bildirilib.

Məsələ ilə bağlı "BakuBus" MMC-yə sorğu ünvanladıq.

Şirkətin Mətbuat Xidmətindən Oxu.Az-ın sorğusuna cavab olaraq bildirildi ki, həmin sürücü hazırda xətdədir və o, şirkətə çağırılaraq məsələ araşdırılacaq. Bundan sonra əlavə məlumat veriləcək.