Barda tanış olduğu qadını 35 manata görə öldürdü - VİDEO

Hadisə 2 İyul 2024 20:33 Oxunub 304
Barda tanış olduğu qadını 35 manata görə öldürdü - VİDEO
WhatsApp kanalımıza abunə ola bilərsiniz

2023-cü il avqustun 24-də Suraxanı Rayon Polis İdarəsinin 30-cu Polis Şöbəsinə gələn 1986-cı il təvəllüdlü Səbuhi Hüseynov Könül adlı qadını öldürdüyünü bildirib.

Məlumat əsasında dərhal əraziyə gedən polis əməkdaşları Hövsan qəsəbəsi, H.Quliyev küçəsi, ev 29, mənzil 3 ünvanında döşəmədə uzanıqlı vəziyyətdə 1977-ci il təvəllüdlü Könül Cəfərovanın cansız bədənini aşkar ediblər.

Məhkəmə-tibbi ekspertizası Könül Cəfərovanın boğularaq öldürüldüyünü müəyyən edib.

Səbuhi Hüseynov istintaqa verdiyi ifadəsində Könül Cəfərova ilə təxminən 5-6 il əvvəl barda tanış olduğunu bildirib.

2023-cü ilin yayında qadın hadisə baş verən ünvana köçüb. Həmin mənzildə dəfələrlə onunla intim münasibətdə olub. Qadın tək yaşayıb, onun qızı Türkiyədə olub.

Səbuhi Hüseynov Könülün daim 15 manat müqabilində görüşdüyünü bildiyindən avqustun 23-də onunla yaşadığı məhəllədə görüşüb, ona 50 manat pul verib. Qadın axşam gələndə onun 35 manat pulunu qaytaracağını söyləsə də, S.Hüseynov sərxoş olduğundan Könülün yanına getməyib.

Növbəti gün saat 21:00 radələrində həyətdə qadınla görüşüb, birlikdə evə daxil olublar. 35 manat pulunu istəyəndə Könül onun ünvanına nalayiq ifadələr işlədib, pulunun olmadığını bildirib.

O, kafeyə borcu olduğunu, heç olmasa 20 manat verməsini xahiş etsə də, qadın yenə pulu olmadığını deyib və onunla söhbət edə-edə paltarlarını tam soyunub.

Səbuhi Hüseynov ünvanına işlədilən söyüşlərdən hiddətlənərək Könülə arxadan yaxınlaşıb və təxminən 2-3 dəqiqə ərzində onu boğub.

Qadın əvvəl əl-qol atsa da, sonradan səsi kəsilib. Könülü olduğu kimi çılpaq vəziyyətdə özünün yerə sərdiyi döşəyin üzərinə uzadıb. Sonra açarla qapını arxadan bağlayaraq həyətə düşüb.

Oğluna zəng edib, adam öldürdüyünü deyib. Bundan sonra yaşadığı evə gedib, törətdiyi cinayəti ata-anasına danışıb. Oradan isə çıxıb 30-cu Polis Şöbəsinə yollanıb və növbətçiyə hadisə barədə məlumat verib. Bakı Ağır Cinayətlər Məhkəməsinin hökmü ilə Səbuhi Hüseynov cəzasını ciddi rejimli cəzaçəkmə müəssisəsində çəkməklə 10 il 6 ay müddətinə azadlıqdan məhrum edilib.

Daha ətraflı materialda:

ŞƏRH YAZ
Ad

E-mail

Şərh