Beyləqanda körpə doğuşdan sonra öldü - YENİLƏNİB

Beyləqan rayonunda yeni doğulan körpə dəqiqləşdirilməmiş tənəffüs çatışmamazlığı səbəbindən ölüb.

Avtosfer.az xəbər verir ki, bu barədə report-un sorğusuna cavab olaraq Beyləqan Rayon Mərkəzi Xəstəxanasından məlumat verilib.

Bildirilib ki, hamiləliyinin 39-cu həftəsində olan pasiyentdə təbii doğuş prosesi icra edilib. Körpənin çəkisi 4100 qr, boyu 53 sm. olub. Doğuşdan sonra yenidoğulmuşa dəqiqləşdirilməmiş tənəffüs çatışmamazlığı diaqnozu təyin olunub. Aparılan reanimasiya tədbirlərinə və həkimlərin çoxsaylı səylərinə baxmayaraq fevralın 9-da saat 12:00 radələrində yenidoğulmuşun bioloji ölüm faktı qeydə alınıb.

Hadisə ilə əlaqəli Beyləqan Rayon Prokurorluğunda araşdırma aparılır.

***10:48

Beyləqanda doğuşdan sonra körpə ölümü qeydə alınıb.

Avtosfer.az qafqazinfo-ya istinadən xəbər verir ki, rayonun Birinci Şahsevən kənd sakini 1996-cı il təvəllüdlü Ülviyyə Musa qızı Əliyeva 39 həftəlik hamiləlik sanıcısı ilə Beyləqan Rayon Mərkəzi Xəstəxanasına daxil olub.

Doğuş prosesi normal keçsə də, körpə (oğlan) sonradan ölüb.

Faktla bağlı araşdırma aparılır.