Biləcəridə yanğın: Sürücünün yeni aldığı “TIR” kül oldu - VİDEO

Binqədi rayonu Biləcəri qəsəbəsində yük maşını yanaraq kül olub.
Avtosfer.az-ın məlumatına görə, iyunun 6-da günorta saatlarında “Daş bazarı” adlanan ərazidə baş verib. Belə ki, yol kənarında yüklə dolu olan“TIR” anidən alışmağa başlayıb. Hadisə şahidlərinin iddiasına görə, yanğın yük maşınındakı qısaqapanmadan baş verib. Nəticədə nəqliyyat vasitəsini qısa zamanda yararsız hala düşüb. Fövqəladə Hallar Nazirliyinin yanğından mühafizə xidmətinin əməkdaşları hadisə yerinə cəlb olunub və yanğının qarşısı alınıb. 
Qeyd edək ki, hadisənin görüntüsü sosial şəbəkədə geniş yayılıb. Zərərçəkmişin “TIR”ı yeni aldığı bildirilib.

Nərmin