Biləsuvarda həyətdə dəzgah yandı: Xəsarət alanlar var - YENİLƏNİB

Biləsuvar rayonunun Ağalıkənd kəndində baş verən yanğın hadisəsində xəsarət alan şəxslərin son vəziyyəti açıqlanıb.

Tibbi Ərazi Bölmələrini İdarəetmə Birliyindən (TƏBİB) bildirilib ki, baş verən yanğın hadisəsi səbəbi ilə sentyabrın 7-si, saat 10:00-da iki nəfər (kişi cinsli) Biləsuvar Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

"Onlara bədən səthinin 30-39 % sahəsinin termik yanığı diaqnozları təyin olunub. Hazırda vəziyyətləri orta ağır olaraq qiymətləndirilir", - deyə məlumatda bildirilir.(oxu.az)

***09:18
Biləsuvar rayonunda ehtiyatsızlıqdan yanğın baş verib, 2 nəfər xəsarət alıb.

Avtosfer.az report-a istinadən xəbər verir ki, hadisə rayonun Ağalıkənd kəndində qeydə alınıb.

Belə ki, kənd sakini, 1986-cı il təvəllüdlü Lətif Məmmədov öz həyətində yemçəkən aqreqatı təmir edən zaman qısaqapanma əmələ gəlib.

Bu vaxt L.Məmmədov və ona təmirə kömək edən 1974-cü il təvəllüdlü Cavid Bayramov yanıq xəsarətləri alıblar.

Onlar Biləsuvar Rayon Mərkəzi Xəstəxanasına çatdırılıblar. Onlara ikinci və üçüncü dərəcəli yanıq xəsarətləri diaqnozu qoyulub.

Faktla bağlı araşdırma aparılır.