Biləsuvarda transformator partladı - YENİLƏNİB

Biləsuvar şəhərində 10 kV-luq xətdə baş vermiş qəza artıq aradan qaldırılıb.

Bu barədə Oxu.Az-ın sorğusuna cavab olaraq "Azərişıq" ASC-dən məlumat verilib.

Qeyd olunub ki, əraziyə elektrik enerjisinin verilməsi bərpa edilib.

Bildirilib ki, hadisə nəticəsində bir küçə işıqsız qalmışdı.

***

Biləsuvarda transformator partlayıb.

Avtosfer.az-ın "Report"a istinadla verdiyi məlumata görə, hadisə Biləsuvar şəhərinin Bakı küçəsində qeydə alınıb.

İlkin ehtimala əsasən, qarın əriməsi nəticəsində yaranan sular qurğuda qısaqapanmaya baş verib.

Hadisə səbəbindən rayon mərkəzinin müəyyən hissəsinin elektrik enerjisi ilə təchizatı dayanıb.

Hazırda transformatorun təmir və bərpası həyata keçirilir.