Binəqədidə yağış və qrunt suları yollara dolub - VİDEO
Hadisə 5 Mart 2022 23:20 Oxunub 910
Binəqədidə yağış və qrunt suları yollara dolub  - VİDEO

Binəqədi rayonu, 1-ci mədən, 7-ci korpusda yaşayan sakinlərin yolunu su basıb. Xüsusilə yağan yağış və qrunt suları yola yığılır. Nəticədə yol keçilməz olub. Sakinlərin istəyi çəkilən kanalizasiya xəttinin əsas xəttə qoşulmasıdır.

Avtosfer.az-ın məlumatına görə, yağan yağış və yeraltı qrunt suları yolları keçilməz edib. Üstəlik, bəzi həyətlərə də su dolub. Yolların bərbad vəziyyətdə olması sakinlərə çətinlik yaradır. Sakinlər deyirlər ki, öz vəsaitləri hesabına kanalizasiya xətləri çəkdiriblər. Ancaq vəsait bitdiyindən layihəni tamamlamaq mümkün olmayıb.  İndi sakinlərin əsas istəyi kanalizasiya xətlərinin işlək vəziyyətə gətirilməsidir. ''Azərsu'' Açıq Səhmdar Cəmiyyətindən isə bildirilib ki, vətəndaşlar özləri həmin əraziyə kanalizasiya çəkmək öhdəliyini üzərlərinə götürüb. Odur ki layihəni də özləri tamamlamalıdırlar. Vətəndaşlar indi pullarının olmadığını və aidiyyəti qurumun bu məsələdə onlara köməklik etməsini istəyirlər.

ŞƏRH YAZ
Ad

E-mail

Şərh