Bir neçə yaşlı pasiyenti öldürməkdə şübhəli bilinən həkimlə bağlı araşdırma aparılır

Almaniyanın Şlezviq-Holştayn federal əyalətinin Pinneberq bölgəsində bir neçə yaşlı pasiyentin ölümündə şübhəli bilinən həkimlə bağlı polis və prokurorluq orqanları tərəfindən araşdırma aparılır. Avtosfer.az "AZƏRTAC"a istinadla xəbər verir ki, iş ilə bağlı artıq bir neçə meyit ekshumasiya olunub və patoloji ekspertizalar aparılıb. Təhqiqatın ilkin mərhələsində toplanan məlumatların və tibbi ekspertizaların nəticələrinin bir neçə həftə ərzində açıqlanacağı gözlənilir. Hazırda araşdırmanın miqyası və konkret ölüm hallarının sayı açıqlanmayıb. Məsələnin ciddiliyini nəzərə alaraq kriminal polis tərəfindən xüsusi istintaq qrupu yaradılıb. Rəsmi orqanlar araşdırmanın ilkin şübhəyə əsaslandığını və ittihamların hələ sübuta yetirilmədiyini açıqlayıblar.