Birlikdə yaşadığı qadının maşınını icazəsiz sürən kişi bıçaqlandı

Qadın birgə yaşadığı kişini avtomobilini  icazəsiz götürüb qayda pozduğuna görə bıçaqlayıb. Avtosfer.az xəbər verir ki, hadisə Rusiyanın Maqadan şəhərində baş verib. Bu barədə Maqadan Vilayət Prokurorluğu öz Telegram kanalında məlumat yayıb.
İstintaqın məlumatına görə, bu ilin aprel ayında zərərçəkən şəxs gecə saatlarında birlikdə yaşadığı qadına məxsus “Suzuki Escudo” markalı avtomobili icazə almadan götürərək sürüb, lakin yol polisi əməkdaşları tərəfindən saxlanılıb. Hüquq-mühafizə orqanlarının əməkdaşları yol hərəkəti qaydalarını pozulmasına görə cərimə yazıblar və avtomobil duracağa aparılıb.
Hadisədən sonra kişi evə gəlib və orada spirtli içki qəbul etməyə başlayıb, bundan sonra hadisə ilə əlaqədar birgə yaşadığı qadın arasında münaqişə yaranıb. Mübahisə zamanı qadın kişinin başına fincanla vurub, ardınca da mətbəx bıçağı ilə kürəyindən bıçaqlayıb. Qadın dərhal həkimləri çağırıb və onlar zərərçəkmişi xəstəxanaya aparıblar.
Maqadan Prokurorluğu yerli sakinə qarşı cinayət işi üzrə ittiham aktını təsdiqləyib. O, Rusiya Federasiyası Cinayət Məcəlləsinin 111-ci maddəsinin 2-ci hissəsinin "z" bəndində nəzərdə tutulmuş cinayəti törətməkdə ittiham olunur.

Namiq Musayev