Bodrumda qayıq batdı, 14 nəfər öldü - FOTO - VİDEO - YENİLƏNİB

Türkiyənin Muğla bölgəsinin Bodrum sahillərində qaçaq (qeyri-qanuni) mühacirləri daşıyan rezin qayığın batması nəticəsində ölənlərin sayı 14 nəfərə çatıb.

Avtosfer.az "DHA"ya istinadən xəbər verir ki, qayıqda 18 nəfərin olduğu dəqiqləşdirilib.

Batan qayıqda olan iki nəfər xilas edilib, itkin düşən digər iki nəfərin tapıması istiqamətində axtarış-xilasetmə işləri davam etdirilir.

Əraziyə Sahil Mühafizəsinin üç qayığı, bir helikopteri və Sahil Mühafizəsinin Xüsusi Dalğıc Qrupu (SAD) göndərilib.

***12:48

Türkiyənin Muğla bölgəsinin Bodrum sahillərində qaçaq (qeyri-qanuni) mühacirləri daşıyan rezin qayıq batıb.

Avtosfer.az "Haber Global"a istinadən xəbər verir ki, hadisə zamanı 7 nəfər batıb, 2 nəfər sağ qalıb.

Ölənlərin cəsədləri sudan çıxarılıb.

Ərazidə axtarış-xilasetmə işləri davam etdirilir.