Boşanan bacısını linglə öldürən qardaş SAXLANILDI - YENİLƏNİB - TƏFƏRRÜAT

Hadisə 6 İyun 2024 11:13 Oxunub 3566
Boşanan bacısını linglə öldürən qardaş SAXLANILDI  - YENİLƏNİB - TƏFƏRRÜAT
WhatsApp kanalımıza abunə ola bilərsiniz

Ağcabədi rayonu Hindarx qəsəbəsində gənc qızın qətlə yetirilməsi ilə bağlı bəzi detallar məlum olub.

Avtosfer.az xəbər verir ki, mərhumun qardaşı Sadiq Kərimov bacısını qısqanclıq zəminində qətlə yetirib.

Bacısının davranışlarına irad bildirib və daim aralarında mübahisə olub. Hadisə elə bu səbəbdən törədilib.

Həmçinin bildirilir ki, qətlə yetirilən qadın ailəli olub və bir müddət sonra boşanıb. Rayondakı marketlərin birində satıcı kimi çalışıb və daha sonra işdən ayrılıb.

Faktla bağlı araşdırma aparılır.

***

09:17

İyunun 5-də saat 23 radələrində Ağcabədi rayonu, Hindarx qəsəbəsi ərazisində 1993-cü il təvəllüdlü Səbinə Məmmədovanın öldürülməsi barədə rayon prokurorluğuna məlumat daxil olub.

Bu barədə Avtosfer.az-a Ağcabədi Rayon Prokurorluğundan məlumat verilib.

Qeyd olunub ki, araşdırmalarla 1991-ci il təvəllüdlü Sadiq Kərimovun aralarında yaranmış mübahisə zamanı dəmir linglə xəsarətlər yetirərək bacısı Səbinə Məmmədovanı qəsdən öldürməsinə əsaslı şübhələr müəyyən edilib.

Faktla bağlı rayon prokurorluğunda Cinayət Məcəlləsinin 120.1-ci (qəsdən adamöldürmə) maddəsi ilə cinayət işi başlanılıb, Sadiq Kərimov şübhəli şəxs qismində tutulub. Hazırda ibtidai istintaq davam edir.

***

08:53

İyunun 5-də saat 23 radələrində Ağcabədi rayonu Hindarx qəsəbəsində evlərin birində 1993-cü il təvəllüdlü Məmmədova Səbinə Əli qızının küt alətlə qətlə yetirilmısi barədə polisə məlumat daxil olub. 

Avtosfer.az-ın məlumatına görə, DİN-in Mətbuat Xidmətinin regional qrupundan bildirilib ki, cinayət əməlini törətməkdə şübhəli bilinən qadının qardaşı 1991-ci il təvəllüdlü Kərimov Sadiq Əli oğu  polis əməkdaşları tərəfindən saxlanılıb. 

Araşdırma aparılır.

ŞƏRH YAZ
Ad

E-mail

Şərh