“Bravo” 50 faiz endirimlə vaxtı keçmiş şokoladlar satır? - AÇIQLAMA - VİDEO

Hadisə 13 May 2024 20:06 Oxunub 418
“Bravo” 50 faiz endirimlə vaxtı keçmiş şokoladlar satır? - AÇIQLAMA   - VİDEO
WhatsApp kanalımıza abunə ola bilərsiniz

“Bravo” supermarketində istifadə müddəti başa çatmış məhsulun satılmasıyla bağlı görüntü müzakirələrə səbəb olub.
Avtosfer.az xəbər verir ki, bu barədə müştəri sosial şəbəkə hesabında paylaşım edib. O bildirib ki, “Bravo”dan aldığı şokoladların bir qisminin 6 ay, qalanının isə 1 il öncə istifadə müddəti başa çatıb. Lakin buna baxmayaraq supermarket həmin şokoladları 50 faiz endirimlə yenidən satışa çıxarıb. Məlumatın doğru olduğunu təsdiqləmək üçün o, qəbzin üzərindəki tarixi də çəkərək göstərib. 
Məsələylə bağlı Avtosfer.az saytının əməkdaşı “Bravo” supermarketlər şəbəkəsinin Mətbuat xidmətiylə əlaqə saxlayıb. Verilən məlumata görə, xoşagəlməz hal qısa zamanda aradan qaldırılıb: “Məsələdən xəbər tutduğumuz zaman nəzərdə tutulan şokoladların satışı dayandırılıb və bu işdə məsuliyyət daşıyan əməkdaşımız vəzifəsindən kənarlaşdırılıb. Zərərçəkmişin qonşusu şikayətçi qismində mağazaya yaxınlaşdığı üçün məhsulun ödənişi geri qaytarılmayıb. Əməkdaşımız xanıma, müştərinin özünün qəbzlə yaxınlaşmasını bildirib”. 

Nərmin

ŞƏRH YAZ
Ad

E-mail

Şərh