Bu ərazidə piyadalar yolu necə gəldi keçib qəza təhlükəsi yaradırlar - VİDEO

Paytaxtın bəzi ərazilərində piyadalar mütəmadi olaraq qayda pozurlar. Belə ki, onlar hərəkətdə olan nəqliyyat vasitələrinə əhəmiyyət vermədən yolu keçirlər. Xüsusilə yaranmış sıxlıqdan sui-istifadə edən piyadalar kifayət qədərdir.

Yasamal rayonu “20 Yanvar” metrostansiyası yaxınlığında da eyni vəziyyət hökm sürür. Belə ki, qayda pozan piyadalar yolu istədikləri zaman keçərək həm öz həyatlarını, həm də sürücüləri təhlükəyə atırlar. Sözügedən ərazidə qayda pozan piyadalardan biri qəzadan son anda xilas olub.

Avtosfer.az-ın məlumatına görə, xoşagəlməz hadisə bir neçə gün əvvəl günorta saatlarında qeydə alınıb. Görüntüdən də aydın olduğu kimi, orta yaşlı kişi maşınlara arasından rahat şəkildə yolu keçir. Bu zaman hərəkətdə olan motosiklet sürücüsü onu son anda görərək hərəkətini saxlayır. Lakin piyada heç nə olmamış kimi yoluna davam edir. 

Qeyd edək ki, görüntü sosial şəbəkədə müzakirələrə səbəb olub. İstifadəçilər piyadanı qınaq obyektinə çeviriblər.

Nərmin