Bu yolda çuxur sürücüləri “tələyə” salır: Təkərlər partlayır, qəzalar baş verir - VİDEO

Sabunçu-Maştağa yolunda yaranmış dərin çuxur sürücülər üçün ciddi təhlükə yaradır.

Avtosfer.az-ın məlumatına görə, bu barədə vətəndaşlardan biri sözügedən yolda çəkdiyi görüntüləri sosial şəbəkə hesabında paylaşıb.

Kadrlardan görünür ki, yolun bir hissəsi yararsız vəziyyətə düşüb. Yaranmış dərin çuxur ərazidən keçən nəqliyyat vasitələri üçün təhlükə yaradır. Bir sıra avtomobillərin çuxura düşməsi nəticəsində təkərlərinin partladığı da görüntülərdə aydın görünür.

Şikayətçinin sözlərinə görə, çuxura düşən motosiklet sürücüsü də qəza törədib. Nəticədə sürücü yıxılaraq ayağından xəsarət alıb.

Vətəndaş bildirib ki, xüsusilə gecə saatlarında çuxuru görmək çətinləşir. Bu isə sürücülərin təhlükəni vaxtında fərq etməməsinə və çuxura düşməsinə səbəb olur.

Nərmin