Cəlilabadda 85 yaşlı kişi yanaraq öldü - YENİLƏNİB

Cəlilabaddakı güclü yanğın zamanı yaxınlıqda yerləşən tikililər yanğından mühafizə olunub.

Avtosfer.az xəbər verir ki, bu barədə Fövqəladə Hallar Nazirliyinin (FHN) yaydığı məlumatda bildirilib.

Qeyd edilib ki, yanğınsöndürənlər tərəfindən birmərtəbəli fərdi yaşayış evində baş vermiş yanğın söndürülüb.

"Yanğın nəticəsində ümumi sahəsi 50 kv.m olan birmərtəbəli ikiotaqlı evin yanar konstruksiyaları və ümumi sahəsi 15 kv.m olan talvarın taxta atmaları yanıb. Yanğın yerinin müayinəsi zamanı 1941-ci il təvəllüdlü Bəhrəm Bayrı oğlu Nuriyevin meyiti aşkar edilib.

Hadisə ilə əlaqədar aidiyyəti qurumlar tərəfindən araşdırma aparılır", - deyə bildirilib.

***09:09
Cəlilabadda 85 yaşlı kişi yanaraq ölüb.

Avtosfer.az xəbər verir ki, 1941-ci il təvəllüdlü Bəhrəm Nuriyev qohumuna məxsus fərdi yaşayış evinin həyətyanı sahəsində yerləşən yardımçı tikilidə baş vermiş yanğın nəticəsində ölüb.

Faktla bağlı araşdırma aparılır.