Cəlilabadda evdən meyit tapılıb

Cəlilabad rayonunda evdə meyit aşkar olunub.

Avtosfer.az-ın "Report"a istinadən məlumatına görə, rayonunun Göytəpə şəhər sakini 1972-ci il təvəllüdlü Ağayev Aydın Hüseynağa oğlunun cansız bədəni qonşuları tərəfindən yaşadığı ünvanda tapılıb.

Məlumata görə o, evdə tək qalırmış. Onun 3 gün əvvəl öldüyü güman edilir.

Meyit müayinə olunması üçün Cəlilabad Rayon Mərkəzi Xəstəxanasının morquna təhvil verilib.

Faktla bağlı araşdırma aparılır.