Cəlilabadda iki nəfər bıçaqlandı

Cəlilabadda bıçaqlanma hadisəsi baş verib.

Avtosfer.az unikal-a istinadən xəbər verir ki, hadisə rayonun Hamarqışlaq kəndində qeydə alınıb.

Belə ki, gənclər arasında mübahisə yaranıb. Münaqişə zamanı tərəflər kəsici-deşici alətə əl atıblar.

Hadisə nəticəsində iki nəfər - 2002-ci il təvəllüdlü Rəhim Rövşən oğlu Qiyasov (döş boşluğunun sağ yarısının, döş boşluğunun sağ qəfəsinin ön səthinin kəsilmiş yarası) və 2004-cü il təvəllüdlü  Elmir Namiq oğlu Teymurov (qarın divarının ön hissəsində kəsilmiş yarası) xəsarətlər alıblar.

Yaralılar dərhal xəstəxanaya çatdırılıb, vəziyyətləri həkimlər tərəfindən nəzarətə götürülüb.

Faktla bağlı araşdırma aparılır.