Cəlilabadda ovçuluq təsərrüfatı ərazisində yanğın başladı - YENİLƏNİB

Cəlilabad rayonunda baş verən yanğınla bağlı Fövqəladə Hallar Nazirliyinin canlı qüvvə və texnikaları cəlb edilib.

Avtosfer.az-ın məlumatına görə, nazirlikdən Oxu.Az-ın sorğusuna cavab olaraq bildirilib ki, hadisə Bakı-Astara magistral yolunun 104-cü kilometrliyində baş verib: "Qamışlıq ərazidə yanğın hadisəsinin baş verməsi barədə məlumat daxil olub. Dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.

Hazırda yanğının söndürülməsi istiqamətində işlər davam etdirilir".

***13:48

Cəlilabad rayonu ərazisində yerləşən su-bataqlıq ərazilərindən birində yerləşən ovçuluq təsərrüfatında güclü yanğın başlayıb.

Avtosfer.az "Report"a istinadla xəbər verir ki, yanğın quru ot və qamışlıq sahəsinin alovlanması nəticəsində baş verib.

Yanğın yerinə Cəlilabad Rayon Yanğından Mühafizə Hissəsinin texnikası və canlı qüvvəsi cəlb edilib.

Hazırda yanğının söndürülməsi işləri görülür.

Yanğının səbəbi ilə bağlı araşdırma aparılır.