Çimərlikdə tədbir zamanı silahlı hücum oldu - Çox sayıda ölən və yaralananlar var - VİDEO

Sidneydə Bondi çimərliyində Hanuka bayramı münasibətilə keçirilən tədbirdə iki silahlı şəxs atəş açıb, nəticədə 10 nəfər həlak olub. Avtosfer.az xəbər verir ki, bu barədə "NewsWire" yerli polisə istinadən məlumat yayıb. "Silahlılardan biri öldürülüb, digəri isə tibbi yardım alır. Onlar Bondi çimərliyində məqsədli şəkildə atəş açaraq 10 nəfəri öldürüblər", - deyə bildirilib. Həlak olanlar arasında uşaqlar və bir polis zabiti də var. Polisin fikrincə, cinayətkarlar bu hadisəni bir neçə ay ərzində planlaşdırıblar.

***

Avstraliyanın Sidney şəhərindəki Bondi çimərliyində atışma baş verib. Məlumata görə, yayılan videoda əlində tüfəng olan iki silahlı şəxsin atəş açdığı görünür. Polis silahlı şəxslərin tutulması üçün çimərlik ərazisində xüsusi əməliyyat keçirib. "Polis Bondi çimərliyində baş verən insidentə reaksiya verib və ictimaiyyəti bu ərazidən uzaq durmağa çağırıb. Hadisə yerində olan hər kəs təhlükəsiz yerə sığınmalıdır", – hüquq mühafizə orqanlarının "X" sosial şəbəkəsindəki yaydığı məlumatda qeyd olunub. Portal şahidlərə istinadən yeddi nəfərin xəsarət aldığını bildirir.

***

Sidney çimərliyində atəş açanlardan birini dinc sakin zərərsizləşdirib. Avtosfer.az xarici mediaya xəbər verir ki, bununla bağlı görüntülər sosial şəbəkələrdə yayılıb. Kadrlarda orta yaşlı bir kişinin cinayətkara xəlvətcə yaxınlaşaraq onun atəş açdığı tüfəngi əlindən aldığı görünür. "NewsWire" nəşrinin məlumatına əsasən, insident nəticəsində azı 10 nəfər ölüb. Həlak olanlar arasında uşaqlar və hüquq mühafizə orqanlarının əməkdaşı da var.

***

Avstraliyada Sidney şəhərində yəhudilərin Hanuka bayramı ilə bağlı şənliklər zamanı baş verən atışma nəticəsində 10 nəfər həlak olub. Təxminən 60 nəfər yaralanıb.

Məlumata görə, ölənlər arasında uşaqlar və bir polis əməkdaşı da var.

Polis bir şübhəlini saxlayıb və istintaq davam edir.

***

Sidneydə (Yeni Cənubi Uels ştatı) Bondi çimərliyində baş verən atışmada həlak olanların sayı 12 nəfərə yüksəlib.

Məlumata görə, atışma terror aktı kimi təsnif edilib.

"Bir polis nəfəri və atıcılardan biri də daxil olmaqla, azı 12 nəfər həlak olub. Digər hücumçu yaralanıb və ağır vəziyyətdə nəzarət altındadır. Şəhər xəstəxanalarına ən azı 25 nəfər aparılıb. Yaralılar arasında iki polis də var", - deyə açıqlamada bildirilir.

Atəş açanlardan birinin şəxsiyyəti də müəyyən olunub – onun Navid Əkrəm olduğu bildirilib.

KİV-in məlumatına görə, ştat polisi hadisə yerində şübhəli əşya aşkarlayıb, bunun kustar üsulla hazırlanmış partlayıcı qurğu olduğu ehtimal edilir və onun zərərsizləşdirilməsi üzərində iş aparılır.

Qeyd edək ki, bayram tədbirinə təxminən yəhudi icmasının 2 min nəfər nümayəndəsi qatılıb.