Dostluq Körpüsü uçub, 18 nəfər itkin düşüb

Çin və Nepalı birləşdirən körpü daşqın nəticəsində uçub.

Avtosfer.az yerli mediaya xəbər verir ki, hadisə zamanı 18 nəfər itkin düşüb.

İtkin düşmüş şəxslərin 12-si Nepal, yerdə qalanları isə Çin vətəndaşı olub.

Onların tapılması üçün hadisə yerinə 95 xilasedici cəlb olunub.

Qeyd edək ki, Botekoşi çayının üzərində yerləşən körpü Çin-Nepal Dostluq Körpüsü adlanır.