Əlləri cibində maşın yolunu parka çevirən piyada təhlükə saçdı - VİDEO

Paytaxtın Mikayıl Müşfiq küçəsi ilə Mətbuat prospektinin kəsişməsində yol hərəkəti qaydalarını pozan piyada avtomobilin kamerasına düşüb.

Avtosfer.az-ın məlumatına görə, hadisə bir müddət əvvəl axşam saatlarında qeydə alınıb. Kadrlardan göründüyü kimi, piyada yolu təyin olunmamış yerdən keçərək sürücünün hərəkətini məhdudlaşdırıb və təhlükəli vəziyyət yaradıb. Belə ki, o, yolun hərəkət hissəsində qalaraq sürücünün etdiyi xəbərdarlıqlara məhəl qoymayıb və kənara çəkilməyib.

Qeyd edək ki, qanunvericiliyə əsasən, piyadalar yalnız onlar üçün nəzərdə tutulmuş keçidlərdən istifadə etməli, hərəkət hissəsinə səbəbsiz çıxmamalı və nəqliyyat vasitələrinin hərəkətinə mane olmamalıdırlar. Bu tələblərə əməl edilməməsi həm piyadaların öz həyatı, həm də digər hərəkət iştirakçılarının təhlükəsizliyi üçün ciddi risk yaradır.

Nərmin