![Paytaxtda düzgün park edilməyən avtomobillər cərimələnir: Rəsmi qurum NƏ DEYİR? - VİDEO](/upload/news/small/4055817.png)
Ermənilər İrana məxsus TIR-ı saxlayıb görün nə etdilər - VİDEO
![Ermənilər İrana məxsus TIR-ı saxlayıb görün nə etdilər - VİDEO](/upload/news/220237.png)
Ermənistanda daha bir açıq-aşkar türkofob, türkə nifrət dolu olay yaşanıb. İran İslam Respublikasından Ermənistana yollanmış ağırtonnajlı yük avtomobilinin üzərində Səttarxanın rəsmi vardı. Bunu görən ermənilər maşını dayandırıblar və sürücüdən Səttarxanın portretini boyamağı tələb ediblər.
Xatırladaq ki, "Sərdari Milli" kimi tanınan Səttarxan İranda 1905-1911-ci illərdə Məhəmmədəli şah diktaturasına qarşı Məşrutə inqilabının görkəmli xadimi, əsas liderlərindən biri və xalq qəhrəmanı olub. Təbrizdəki inqilabın liderlərindən biri Səttarxan Rusiya və Qərb mətbuatında həmin illərdə "Azərbaycanın Puqaçovu", "İranın Haribaldisi" kimi təqdim edilirdi.
Xalqımızın tarixində Səttarxan xüsusi yer tutur. Təbrizdə ona heykəl qoyulub, küçələrdən birinə Səttarxanın adı verilib. Səttarxan barədə şeirlər, mahnılar, poemalar, romanlar yazılıb, filmlər çəkilib. Ermənistanda Səttarxanın portretinə qarşı olan bu tərbiyəsizlik əslində İrana qarşı da meydan oxumaqdır. Çünki Səttarxan İran İslam Respublikasının rəsmi təbliğatında və ideologiyasında "xüsusi yer tutan qəhrəman" sayılır.