Ətrafı çirkləndirən "Ford" sürücüsünə DYP-dən REAKSİYA - VİDEO

Baş Dövlət Yol Polisi İdarəsinin (DYP) bölmə rəisi Elvin Hacıyev sosial şəbəkələrdə ətrafı tullantılarla çirkləndirən sürücünün görüntüləri ilə bağlı açıqlama verib.

Avtosfer.az xəbər verir ki, qurum rəsmisi qeyd edib ki, bu addım etik prinsiplərə zidddir və vətəndaşlar bu kimi əməllərdən çəkinməlidir.

"Qanunvericiliyə əsasən nəqliyyat vasitəsindən bayıra hər hansı əşya atmaq qadağandır və buna görə də İnzibati Xətalar Məcəlləsində kifayət qədər ciddi cərimə məbləğləri nəzərdə tutulub. Belə hallar aşkarlandığı təqdirdə DYP tərəfindən müvafiq tədbir görülür. Lakin, hərəkət iştirakçısı yalnız cəza təhdidi altında deyil, məhs ətraf mühitə ziyan vurduğunu, bu addımın etik prinsiplərə zidd olduğunu nəzərə alaraq, bu kimi əməllərdən çəkinməlidir. Bu sahədə xüsusilə ictimai nəzarət tədbirlərini gücləndirilməsi zəruri hesab edilir"./baku.ws