Evdən 9 min manat oğurlandı

Sabunçu rayonunda evlərin birindən 9000 manat oğurlanması barədə polisə məlumat daxil olub.

Avtosfer.az xəbər verir ki, Sabunçu rayon Polis İdarəsinin 14-cü Polis Şöbəsi əməkdaşlarının keçirdikləri tədbirlərlə əməli törətməkdə şübhəli bilinən 47 yaşlı K.Əliyeva müəyyən edilərək saxlanılıb.

Sumqayıt şəhərində də analoji hadisə baş verib.

Şəhər ərazisindəki evlərin birindən 500 manat oğurlayan 24 yaşlı E.Zamanov da polis əməkdaşları tərəfindən saxlanılıb.

Hər iki faktla bağlı araşdırmalar davam etdirilir.