Eyni anda avtomobilini təmirə gətirən yaşlı sürücü “çıxış yolu”nu belə tapdı - VİDEO

Avtomobilini təmirə gətirən yaşlı kişi hirsinə məğlub oldu, avtomobilini yararsız hala saldı.
Avtosfer.az xəbər verir ki, hadisə Rusiyanın avtomobil təmirxanalarından birində baş verib. Müşahidə kamerasına anbaan düşən olaydan bəlli olduğu kimi eyni vaxtda içəri daxil olmağa çalışan avtomobillərin sürücüləri arasında insident yaranıb. Belə ki, təmirxanaya ilk daxil olan maşın anidən arxadan gələn avtomobilin hücumuna məruz qalıb. Zərbə ilə kifayətlənməyən yaşlı sürücü aqressiyasını yüksəldərək daha önə sürüb və digər avtomobili çuxurdan vurub çıxarıb. Öz maşınını həmin əraziyə parklayan sürücü son anda avtomobilinin ön hissəsini tamamilə sıradan çıxartdığının fərqinə varsa da necə deyərlər “iş işdən keçmiş olub”.

Nərmin Əkbər