Fermada partlayış oldu - Ölən və yaralananlar var

ABŞ-nin Corciya ştatının Kamilla şəhərində quşçuluq fabrikində baş verən partlayış nəticəsində bir qadın ölüb, daha bir neçə nəfər yaralanıb.

Avtosfer.az-ın "Report"a istinadən məlumatına görə, bu barədə “ABC News” xəbər yayıb.

Məlumata görə, zavodun ərazisində yerləşən və partlayışdan sonra alovlanan yük maşınında bir qadın ölüb. Onun müəssisənin işçisi olmadığı, partlayış zamanı zavod binasında olan ərini müşayiət etdiyi qeyd olunur. Telekanalın məlumatına görə, kişi xəsarət almayıb.

Quşçuluq ferması işçilərinin həmkarlar ittifaqının məlumatına görə, zavodda qazan partlayıb və bir neçə işçi yanıq xəsarətləri alıb, lakin hadisənin səbəbi barədə rəsmi məlumat verilmir.

Fabrikin sahibi olan “Tyson Food” şirkəti araşdırma aparır.