Fikri yolda olmayan sürücü maşına minən şəxsi əzib keçdi - ANBAAN VİDEO

Abşeron rayonu, Mehdiabad qəsəbəsində piyadanın vurulma anı təhlükəsizlik kamerasına düşüb.

Avtosfer.az xəbər verir ki, hadisə bir müddət əvvəl səhər saatlarında qeydə alınıb. Belə ki, hərəkətdə olan avtomobil yolun hərəkət hissəsində dayanan piyadanı vurub. Kadrdan görünür ki, piyada park etdiyi maşına yaxınlaşaraq minmək istəyir və bu vaxt sağdan gələn sürücü onu vuraraq yoluna davam edir. Əldə edilən məlumata görə, piyada yüngül bədən xəsarətləri alıb.

Qeyd edək ki, bu situasiyada həm sürücünün, həm də piyadanın məsuliyyəti var. Qanunvericiliyə əsasən, sürücü avtomobili digər nəqliyyat vasitələrinin hərəkətinə mane olmayacaq şəkildə park etməlidir. 

Nərmin