Fransada Yeni il gecəsi minə yaxın avtomobil yandırıldı

Fransada Yeni il gecəsində xuliqanlar tərəfindən minə yaxın avtomobil yandırılıb.

Avtosfer.az xəbər verir ki, bu barədə BFMTV kanalı respublikanın Daxili İşlər Nazirliyinə istinadən məlumat yayıb.

Ümumilikdə 984 avtomobil yandırılıb, hadisələrlə bağlı 420 nəfər saxlanılıb, onlardan 310-u həbs edilib.

Fransanın daxili işlər naziri Bruno Retaillotun sözlərinə görə, hadisələrin əhəmiyyətli hissəsi polis və yanğınsöndürənlərə qarşı atəşfəşanlıq və pirotexniki vasitələrdən qanunsuz istifadə ilə bağlı olub. O zamankı daxili işlər naziri Cerald Darmaninin verdiyi məlumata görə, 2024-cü ildə avtoxuliqanlar 690 avtomobili yandırıblar.

(trend.az)