Futbol qarşıdurması avtomobillərin yandırılması ilə nəticələndi

İtaliyanın Genuya şəhərində “Cenoa” və “İnter” futbol klublarının azarkeşləri arasında toqquşma baş verib .

Avtosfer.az xəbər verir ki, oyun başlamazdan təxminən bir saat əvvəl “Stadio Luigi Ferraris” arenası yaxınlığında iğtişaşlar baş verib. Toqquşmalar nəticəsində iki nəfər xəsarət alıb və üç avtomobil yandırılıb.

Polis gözyaşardıcı qazdan istifadə edib. Hüquq-mühafizə orqanlarının əməkdaşları stadionun yaxınlığında asayişi bərpa edə bilibilər və matç planlaşdırıldığı kimi başlayıb. Oyun “İnter”in 2:1 hesablı qələbəsi ilə yekunlaşıb.