Gediş haqqına görə metroya tuneldən girən iki şəxs saxlanıldı; 8 sutka həbs olundular - VİDEO

Metroya gediş haqqı ödəmədən keçən iki gənc həbs olunub. Avtosfer.az xəbər verir ki, Rusiyanın paytaxtı Moskvada baş verən hadisənin görüntüləri kameraya düşüb.

Belə ki, “Belorusskaya” stansiyasında iki gənc gediş haqqı ödəməmək məqsədi ilə öz həyatlarını təhlükəyə ataraq stansiyaya tuneldən daxil olaraq qatara miniblər.

Kadrları izləyən təhlükəsizlik xidmətinin əməkdaşları qaydaları pozan iki şəxsi saxlayaraq polis əməkdaşlarına təhvil veriblər. Bundan əlavə, onların belə hərəkəti ilk dəfə olmayıb, gənclər müxtəlif vaxtlarda, müxtəlif stansiyalarda ödəniş etmədən bu üsulla qatara miniblər.

Məhkəməyə çıxarılan gənclər, hakimin qərarı ilə səkkiz günlük həbs cəzasına məhkum edildilər.

Sözügedən hadisənin anbaan videosunu təqdim edirik:

Namiq Musayev