Gəncədə 21 yaşlı gənc kəsici alətlə xəsarət alıb

Gəncə şəhərində 21 yaşlı gənc kəsici alətlə xəsarət alıb. Avtosfer.az-ın APA-ya istinadən məlumatına görə, hadisə şəhər ərazisində baş verib. 2004-cü il təvəllüdlü şəhər sakini A. Qəribov döş qəfəsindən aldığı kəsilmiş-deşilmiş xəsarətlə xəstəxanaya yerləşdirilib. Zərərçəkənə dərhal tibbi yardım göstərilib. Onun vəziyyətinin normal olduğu bildirilir. Hadisənin hansı şəraitdə baş verdiyi hələlik məlum deyil. Faktla bağlı araşdırma aparılır.