Gəncədə dava edən qonşular bir-birinə xəsarət yetirdilər

Gəncədə qonşuların davası zamanı yaşlı qadın qolundan bıçaq xəsarəti alıb.

Avtosfer.az apa-ya istinadən xəbər verir ki, hadisə şəhərin Yeni Gəncə yaşayış massivində qeydə alınıb. Şəhər sakini - 1950-ci il təvəllüdlü Telli Rzayeva qolunun kəsilmiş yarası və 1987-ci il təvəllüdlü İlahə Pirverdiyeva barmağının sınığı diaqnozu ilə xəstəxanaya yerləşdirilib. Dərhal hər iki xəstəyə yardım edilib.

Onların vəziyyətinin kafi olduğu bildirilir. Məlumata görə, xəsarət alan hər iki şəxs qonşu olublar.

Faktla bağlı araşdırma aparılır.