Gəncədə mənzildən 67 yaşlı kişinin meyiti tapıldı

Gəncədə mənzildən 67 yaşlı kişinin meyiti aşkarlanıb.

Avtosfer.az apa-ya istinadən xəbər verir ki, hadisə şəhərin H.Əliyev küçəsində yerləşən binaların birində baş verib. Belə ki, Fövqəladə Hallar Nazirliyinin "112" qaynar telefon xəttinə Gəncə şəhərində  həmin ünvada bir nəfərin mənzildə bağlı qapı arxasında köməksiz vəziyyətdə qalması barədə məlumat daxil olub.

Məlumatla əlaqədar Nazirliyin Gəncə Regional Mərkəzinin müvafiq xilasetmə qüvvələri çağırış üzrə cəlb olunublar. Həyata keçirilən tədbirlər nəticəsində  sözü gedən ünvandan 1958-ci il təvəllüdlü Y.Hüseynzadənin  meyiti aidiyyəti üzrə təhvil verilib. Məlumata görə 67 yaşlı kişi ürəktutmadan ölüb.

Fakt araşdırılır.